Esperta do teu sono - RONTANO, LOLA

Precio normal: €19,50

Precio de venta: €19,50
Precio normal

Agotado

Precio unitario: por

Editorial: XERAIS - Idioma: galego - 480 páginas

«Esperta do teu sono» toma como motivo central o conflito da mina de Corcoesto, en Cabana de Bergantiños, para presentar en clave de intriga unha ficción que mestura ecoloxía, desobediencia civil, loita pola terra e solidariedade entre comunidades rurais e urbanas. Entre misteriosas mortes e vellos rancores, Vila Amparo, un porto de mar da Costa da Morte, será testemuña da paulatina toma de conciencia e organización por parte dunha veciñanza que non acepta un destino colonial. O bibliotecario, as profesoras, Vitoria, o percebeiro Urbano, os mestres xubilados, a peixeira Carmela, o Tetris e mais Rou protagonizan un núcleo de resistencia na vila nunha loita histórica que se enfrontou á corrupción das elites políticas e económicas no goberno.

Lola Rontano (Comala, Murcia, 1977), activista medioambiental, viaxeira e profesora de francés, reside en Galicia, lugar onde recalou como voluntaria durante a crise do «Prestige». A súa primeira novela, «Austroatlántica, la Argentina que Dios quiere» (2019), foi merecedora do XXX premio Torrente Ballester en castelán. En 2014 conseguiu o XXV premio de narrativa Camilo José Cela polo relato «Las Ubres de la Noche». Ademais de colaborar con artigos e outros textos en diversos fanzines, blogs, revistas e xornais dixitais, traduciu cancións do francés Dominique A («El oficio de cantante», inédito) e participou na «Antología de poesía erótica» do Instituto Iberoamericano de Estudos Atlánticos en 2015. Na revista «Luzes» (2022) publicou a crónica «Diario negro dunha marea». «Esperta do teu sono» (2024) é a súa primeira novela na colección Narrativa de Xerais.

Esperta do teu sono - RONTANO, LOLA

Suscríbete y mantente informada